ÓHMETRO E AMPERÍMETRO

Póñovos a imaxe para que vexades como o óhmetro non deixa de ser un amperímetro en serie cunha pila, de xeito que canta máis intensidade mida, menor é a resistencia que conectamos nel.

MÁQUINAS ELÉCTRICAS: ESQUEMA FUNDAMENTAL

 

RENDEMENTO DOS MOTORES ELÉCTRICOS

 

É moi variable, pero en todo caso é moi superior ao dos motores térmicos.

Nesta ligazón que encontrei tedes unha explicación e uns valores de referencia, a título de curiosidade.

En todo caso, nesta outra ligazón vemos que hai motores que se achegan ao 99% de rendemento, moi superior ao 95% que dixen, por decir, na clase do martes.

CONCEPTOS BÁSICOS SOBRE ELECTRICIDADE

 

VIVISECCION DUN COCHE HÍBRIDO

Preguntaron en clase se os coches eléctricos levan motor de c.c. ou c.a.
En xeral, as máquinas de c.a. teñen mellor rendemento, así que sería en principio o previsible.
Nesta web comprobamos que, polo menos no caso do Toyota Prius, así é. Hai ademais unha completa análise dos seus elementos.
Para que non se queixe o resto dos fabricantes, déixovos tamén unha escolla dos "mellores coches híbridos" para 2020.

Causa e efecto

Unha das causas:



Algúns posibles efectos, en Galicia:

https://www.lavozdegalicia.es/noticia/galicia/2020/02/06/mapa-mortalidad-galicia-cambia-riesgo-muerte-concello/00031581003391931960709.htm

e en España:

https://elpais.com/elpais/2020/02/05/ciencia/1580906716_232241.html

TIMBRE, ZOADOR E RELÉ

Póñovos tres imaxes (gracias, Sandro) copiadas da Wikipedia, de yuden.co.jp e de inventable.eu:

TIMBRE:

ZOADOR:

Aplícaselle corrente a unha bobina (como no caso do timbre) ou a un disco piezoeléctrico (como no caso da imaxe). 

En calquera dos dous casos se produce unha vibración que se transmite a unha laminiña de aceiro que, ao vibrar, produce o son.

RELÉ:

Déixovos outra ligazón a unha entrada antiga, por se queredes ampliar información.

PARTES DUNHA FACTURA ELÉCTRICA

Nunha factura eléctrica hai dous puntos fundamentais:

> POTENCIA CONTRATADA: Pagamos por ter dereito a consumir potencia ata o nivel que contratemos: pagamos o mesmo tanto se usamos esa potencia como se non, e canta máis potencia contratemos, máis pagamos. Contrataremos máis potencia se prevemos que imos precisar máis potencia de xeito simultáneo.

> ENERXÍA CONSUMIDA: Pagamos pola enerxía que efectivamente consumimos; pagamos una cantidade por cada kWh consumido, de xeito que cantos máis kWh consumamos, máis pagamos. Se facemos máis uso de aparellos conectados á rede, consumiremos máis enerxía eléctrica e -polo tanto- pagaremos máis.

Loxicamente, a estes dous puntos hai que engadirlles os impostos correspondentes. Podemos ver estes dous puntos reflectidos na factura a seguir, no apartado 5:

RENDEMENTO DE MÁQUINAS E SISTEMAS

Que é o Rendemento das máquinas e sistemas?

O Rendemento enerxético (ou eficiencia enerxética) representa en que medida se convirte en potencia útil a potencia que unha máquina ou sistema consome.

Calcúlase en porcentaxe facendo:

Rendemento (%) = 100 · Potencia útil / Potencia consumida.

Despexando na igualdade anterior, tamén

Potencia consumida = 100 · Potencia útil / Rendemento (%).

Potencia útil = Rendemento (%) · Potencia consumida / 100.

Por que é tan importante o Rendemento de máquinas e sistemas?

Utilizar sistemas ou máquinas de menor rendemento implica que, para obter un mesmo proveito, se consuman máis recursos. Isto leva a que:

- a contaminación que se produce para conseguir determinado proveito, ao usar máis recursos (enerxéticos e de calquera outro tipo) é moito maior.

- os recursos vaian durar menos ou haxa que utilizar moito menos os sistemas ou máquinas para que non se esgoten.

- ao empregar máis recursos para conseguir un mesmo proveito, hai que pagar máis diñeiro por eles e sae máis caro.

INSTALACIÓNS EN VIVENDAS

Os Estándares de Aprendizaxe para este Bloque 2. Instalacións en vivendas son:
TEB2.1.1. Diferencia as instalacións tipicas dunha vivenda.
TEB2.1.2. Describe os elementos que compoñen as instalacións dunha vivenda.
TEB2.2.1. Interpreta e manexa simboloxía de instalacións eléctricas, calefacción, subministración de auga e saneamento, aire acondicionado e gas.
TEB2.2.2. Deseña con axuda de software unha instalación para unha vivenda tipo con criterios de eficiencia enerxética.
TEB2.3.1. Realiza montaxes sinxelas e experimenta e analiza o seu funcionamento.
TEB2.4.1. Propón medidas de redución do consumo enerxético dunha vivenda.

Os contidos correspondentes:
B2.1. Instalacións características: eléctrica, de auga sanitaria e de saneamento.
B2.2. Outras instalacións: calefacción, gas, aire acondicionado e domótica.
B2.3. Normativa, simboloxía, análise e montaxe de instalacións básicas.
B2.4. Aforro enerxético nunha vivenda. Arquitectura bioclimática

Para esta parte da materia tamén imos aprender a aprender.
Coido que para ver estes contidos convén utilizar ESTA SITE, que é a máis amigable das que encontrei. Ao ser interactiva, non é imprimible, pero podedes sacar boa información dela.

Dentro dos imprimibles:
> ESTA LIGAZÓN lévavos a un site que desenvolve todos os puntos básicos.
> ESTOUTRA lévanos a uns apuntes que están bastante ben, e ademais foron feitos en Rianxo.
> ESTA ÚLTIMA é interesante porque afondan máis no asunto das instalacións e da simboloxía, e poñen mesmo exercicios, aínda que se cadra afondan en exceso.

RECTIFICADOR COMPLETO

Nos apuntes de 4º os rectificadores que tedes non son completos (a saída non é unha tensión totalmente continua), pero aproxímase. Un rectificador completo é máis complexo; déixovos aquí unha imaxe para que vexades a complexidade:

FACTURA ELÉCTRICA

Déixovos aquí a ligazón a unha factura eléctrica de hai dous anos e pico pero o fundamental non mudou. Nela vedes os dous conceptos fundamentais: - A facturación por potencia - A facturación por consumo (enerxía consumida)

AS FONTES DE ENERXÍA DO PRESENTE

Moitas veces fálannos das fontes de enerxía do futuro, que se a fusión nuclear, a pila de hidróxeno, etc., etc., e na opinión de moitos este é un discurso intencionado para agachar a realidade: ESPAÑA, XA HOXE, PODERÍA ABASTECERSE DE ELECTRICIDADE NUN 90% USANDO SÓ A ENERXÍA DO SOL, DO VENTO E DAS CORRENTES MARIÑAS.
E poño un 90% por ser prudente. Para compensar a intermitencia unha solución sería utilizar centrais hidroléctricas de bombeo, ademais de descentralizar a produción e ter almacenaxe doméstica en baterías, por exemplo, ou apostar por outros tipos de conversión electroquímica ou electromecánica.
En canto ao custo da solar, xa moitas veces falei da mentira que se conta sobre o seu suposto alto prezo en comparación coas enerxías non renovables (fósiles e do uranio), pero estes días o xornal El País volveu co tema.
Espero que a estas alturas ninguén teña xa claro que os que contan o contrario é por intereses políticos, que en último termo son intereses económicos persoais. E son os mesmos que negaban o quecemento global malia todas as evidencias científicas... que causalidade!
Ademais do evidente, apostar polas renovables xeraría moitísimos postos de traballo no noso país, ademais de afectar moi positivamente a Balanza de Pagamentos e reducir a dependencia da nosa economía con respecto ao exterior. Un exterior, para máis, convulso.

SIMULADOR DE CIRCUÍTOS ELÉCTRICOS

A ver se hai sorte e vos vai, facendo click AQUÍ. 
Iso si, parece que non vai co Windows XP.
Encontrei estoutro, que non vai tan ben pero parece que funciona...

TESLA E EDISON

Explicando a guerra das correntes (ver entradas antigas) atopei varios clips que falan sobre o enfrontamento Tesla-Edison. Ou debíamos falar de enfrontamento Westinghouse-J.P.Morgan? Estes dous, homes de negocios máis que de ciencia -seguramente Edison tamén o era- tiveron máis claro que é preferible un mal acordo que un bo pleito, e repartiron o pastel.
Eis as ligazóns aos dous vídeos:

O DE DEBUXOS

O DE "HELADO CULTO" (Neste hai algún erro grave na redacción: evidentemente os tendidos eléctricos xa eran de c.a. antes de 2007; NON foron substituídos en 2007 de c.c. a c.a., como din no vídeo)

TESLA E OS HERCIOS

Onte falei en clase sobre Nicola Tesla e sobre o feito de que no mundo hai países nos que a corrente alterna ten unha frecuencia de 50Hz mentres que noutros ten 60Hz. Póñovos aquí as ligazóns para que poidades ver os posts antigos que xa escribira aquí sobre estes asuntos:
LIGAZÓN A TESLA
LIGAZÓN A 50Hz / 60 Hz

CIRCUÍTOS "INTELIXENTES"

Eis unha nova mostra dun sistema que adapta o seu funcionamento ás condicións ambientais. Enténdese fácil o do BE - BP - BS coa explicación que dan no comezo...

CONEXIÓN SISTEMA ELÉCTRICO E PNEUMÁTICO

Neste vídeo vese bastante ben a interrelación entre os sistemas eléctrico e pneumático no caso de válvulas de pilotaxe eléctrica (e como se representa nos seus esquemas, aínda que para iso hai diferentes normativas):

ELECTRICIDADE E ELECTRÓNICA

É case tan complicado distinguir onde termina a electricidade e empeza a electrónica como saber cando termina o día e empeza a noite e ao revés: “¿Xa é noite? / Non / ¿Xa é noite? / Non / ¿Xa é noite? / Non / ¿Xa é noite? / Non / ¿Xa é noite? / Si /¿Estás seguro? / Non”.

Existe bastante controversia con respecto a iso e desde o meu punto de vista a electrónica é a parte da electricidade que ten como obxectivo os traballos de de decisión ou de adaptación dun sistema (ou de determinadas magnitudes nel) ás requeridas para o seu funcionamento, que logo o sistema eléctrico convirte en accións. Dalgunha maneira, a electrónica podería ser a parte da electricidade que manexa os sinais eléctricos como información e decisións. De todas maneiras, é unha visión resumida, xa que (como vos indiquei en clase) hai determinados sistemas eléctricos que funcionan de xeito automático e probablemente ninguén chamaría electrónicos. A controversia, xa que logo, existe. Normalmente, acabei dicíndovos, se cadra é o uso de determinados compoñentes (baseados en semicondutores) o que axuda a determinar se un circuíto é ou non ‘electrónico’, fundamentalmente se usa transistores. Esta ligazón, se cadra un pouco técnica, dá unha visión bastante razoable e parecida á idea que tentei transmitirvos. Estoutra, como vedes, ten unha visión menos técnica e precisa aínda que, máis ou menos, vai polo mesmo camiño. Póñovos como exemplo das dúbidas que esperta esta cuestión (en xente xa algo metida no tema) o debate mantido neste foro no que, de principio, xa aparece a Electrónica de Potencia.

Espero que estas liñas vos teñan axudado a resolver un pouco mellor a dúbida.

RELÉ E TIMBRE

Dos compoñentes que vos comentei o outro día hai dous dos que convén ampliar un pouco a información: o timbre e o relé. Nalgunhas probas de acceso a ciclos preguntan polo esquema dun timbre, e non me estrañaría que o fixesen no futuro co relé. Así que aí vos quedan algunhas ligazóns para que lle botedes un vistazo os quen vos interesen:

- Exemplos do funcionamento de relés

- Entradas da Wikipedia sobre os relés e os timbres.

LEDS QUE MUDAN DE COR

Fiquei coa dúbida ao saír da clase cos leds que cambian de cor. Foi tan sinxelo como preguntarlle a Google, nin que estivese esperando. Polo visto, dependendo da voltaxe á que estean conectados emiten luz dunha cor diferente. Seguiremos informando.

E se alguén quedou con ganas de transistores, voilà.