tecnocesures

UNHA VANTAXE DA DIXITALIZACIÓN

... e moito máis!!!, di ben a imaxe, porque a cantidade de fotos, discos e libros, por exemplo, que podemos levar no móbil non está reflectida nela.
Nin tampouco internet e toda a inmensa (nunca podemos decir 'infinita') cantidade de recursos que pon ao noso alcance e que nos anos 80 -cando probablemente foi tomada esta imaxe- non podíamos nin sequera imaxinar como posible.

Informe Planeta Vivo 2024

NESTA NOTICIA DE EL CORREO GALLEGO dan conta dos puntos máis importantes do Informe Planeta Vivo 2024.

Como vemos nas imaxes (para lelas fai click nelas e abriranse en tamaño completo) e podemos ler na noticia anterior, non son boas novas.
Se non tes abondo cunha noticia e dúas imaxes, podes acceder ao informe completo NESTA LIGAZÓN.

OPTIMUS, A PROPOSTA DE TESLA PARA O FUTURO

Tesla presentou hai poucos días o robot humanoide Optimus, que se presenta como un robot de propósito xeral co que se pretende, no fondo, ter un escravo 'de chapa'. NESTA LIGAZÓN cóntannos o fundamental do novo invento.
Tede coidado, porén, con crer todo o que vedes con respecto aos novos robots que van aparecendo (e respecto a todo), porque nos últimos días xurdiron voces que afirman que algún destes vídeos podería estar trucado. Se queredes saber máis facede click na imaxe inferior.

CELIA: A IA galega que axuda os maiores

A Universidade de Vigo desenvolveu o software CELIA, que según din NA SÚA WEB é "A mellor asistente conversacional con Intelixencia Artificial" para os maiores.
Se queres coñecela un pouco podes consultar ESTE PDF.
Como ves, este software podes instalalo no teléfono móbil e ten moitas funcionalidades distintas, aínda que tamén é accesible desde WhatsApp, no número 655 641 445.
Seguindo as ligazóns tes acceso ás noticias que sobre ela publicaron atlanTTic, La Voz de Galicia ou a Cadena COPE.